Province do Roman Payis

Èn årtike di Wikipedia.
Potchî a: naiviaedje, cweri
Essegne del province

Li province do Roman Payis (on dit eto do Braibant walon u del Braibant walone; fr: Brabant wallon), c' est ene province di Walonreye, sikepieye après li pårtixhaedje del viye province do Braibant e 1995.

Eplaeçmint del province el Walonreye

Elle a-st ene sitindêye di 1.093 km² po 347.423 (1999) dimanants (braibonîs), dj' ô bén ene dinsité di 319 djins/km², ey est pårteye en 1 seu arondixhmint po 27 comenes intités.

Si mwaisse-veye est Wåve

Ele a des frontires avou (dins l' sins des aweyes d' ôrlodje tot-z atacant å nôr): les provinces bedjes do Braibant flamand, di Lidje, Nameur eyet do Hinnot.

Li Braibant walon a-st askepyî e 1995, après li pårtixhaedje del viye province do Braibant e troes bokets: deus novelès provinces, li Braibant walon eyet li Braibant flamand; eyet li teritwere del Redjon brusselwesse, ki n' est pus dins nole province.

Li Braibant walon est ossu lomé e walon på vî no di Roman payis, no dné do tins kel Braibant compurdeut des populåcions tîxhones et walones, po cåzer del pårteye walone do Braibant.

Comenes del province[candjî]

Arondixhmint d' Nivele