Take

Èn årtike di Wikipedia.
Potchî a: naiviaedje, cweri

Wiktionary-logo.svg

Po des linwincieusès racsegnes sol mot "take", alez s' vey sol Wiccionaire

ene take
ene ôte plake di tchminêye
Discramiaedje des ôtes sinses do mot "take"

Ene take u plake di tchminêye, c' est ene grosse cwårêye plake di scroufier, 1 mete hôte so 1 mete 20 lådje (a l' advinant), sovint avou des dessins scultés dsu.

Elle esteut metowe sitampêye dins on trô do meur di l' aisse dins les måjhones walones did dinltins. Li take prindeut l' tcholeur do feu e l' aisse, et insi, tchåfer li bele plaece, avou. Eto, li bele plaece si loméve cobén li tchambe al take. Come di djusse, les dessins estént metous do costé del bele plaece.

Li mot taque est eto cnoxhou e francès d' Beldjike avou ci sinse la.

E walon, li mot "take" a eto des ôtes sinses.

Istwere des takes[candjî]

Les takes estént come onk des meubes del måjhone, k' aveut del valeur pa ses dessins.

Dispu les anêyes 1900, on n' fijheut dedja pus d' feu e l' aisse. Mins les takes siervént co po wårni l' pele. Après l' guere 1940-1945, on-z a stî pus ritche, et mete des stouves eto dins les belès plaeces. Ci côp la, les takes estént catcheyes dirî li stouve, et on n' les voeyeut pus. Ele ni siervént pus a rén. On ls a vindou a des vîwarîs (des côps po ene crosse di pwin), et mete ene plake di fier al plaece, udonbén rmurer l' trô.