Tawoyisse

Èn årtike di Wikipedia.

Li tawoyisse u dawoyisse, c' est ene rilidjon ey ene filozofeye, sikepieye do scolaedje da Lao Tseu.

Li tawoyisse est shuvou pa 20 miyons d' djins, aprume el Chine.

Il a deus coxhes : l' filozofike (Tao-chia), d' après lès scrijhaedjes (Tao-tö-king) da Lao Tseu èt Zhuang zi, et l' rilidjeuse (Tao-chiao) ki cwirt li moyén d' ariver a n' nén mori.

Å ddins vos avoz les idêyes di "Voye" et di "Viertu", l' atuze do "nén-fé" (Wu-wei) et l' eralaedje e-n erî (Fu).

Dins les cis k' ont vnou après Lao-Tseu et voleur daler pus lon dins ses idêyes, vos trovez Martin Heidegger.

L' tawo, c' est l' essince di tos les cayets, l' oridjene del vikereye et minme li sourdant di dvant l' creyåcion. Si manire di dire, c' est d' esse. Li tawo est dins l' nateure. Po esse dins l' tawo, i fåt esse dins l' nateure.

Li tawo ascovere li Cir, poite li Daegne, si stind ås cwate coines, s' alårdjit ås ût pôles. D' ene hôteur a n' nén avinde, d' ene parfondeur a n' nén djonde, i rabresse li Cir et l' Daegne et s' dene dins l' « sins pont d' fôme ».

Li « wu-wei » (« nén-fé ») vout k' i n' fåye rén fé dpus ki n' faut, pont d' carcul po ènonder on ake. Li «djusse assez po viker påjhûle et dins l' årmonreye» doet esse li londje po moenner s' vicåreye.

L' « fu », c' est l' ralaedje e-n erî. C' est raler å sourdant d' tot.

Volèz lîre li Tao-ti-king è walon èt è imaedjes ? C' è-st-åji : http://sites.google.com/site/lesrabulets/Home/lao-tseu