Tchômaedje
Li tchômaedje, c' est cwand gn a des djins ki vôrént bén bouter, ki sont sins ovraedje.
On lome ces-cial tchômeus, foû-posse, foû-plaece, u sins-ovraedje. Dinltins, cwand on lzî dnéve des ptitès ovraedjes dins les comenes, on les loméve eto les bineus. Li contråve d' on (d' ene) foû-posse, c' est on bouteu (ene bouteuse).
El Beldjike, on djåze afeye di "vîs tchômeus" u "tchômeus di longue durêye" : c' est les cis ki sont payîs d' l' ONEM dispoy pus di deus ans.
Alez s' vey e splitchant motî po des linwincieusès racsegnes so les mots "tchômaedje", "foû-posse", "bineu".
Ådvins |
[candjî] Li porcintaedje di foû-posse
C' est l' nombe di sins-ovraedje eneviè li nombe di djin k' ont l' ådje di bouter.
Li porcintaedje pout candjî d' on payis a l' ôte, et d' ene redjon a l' ôte do payis.
[candjî] Foû-posse dins les 3 redjons economikes del Beldjike
E moes d' avri 2005, li tô esteut di 22,1 po Brussele, 17,8 pol Walonreye, et 8,0 pol Flande. Ça fwait onk avou l' ôte, 12,4 pol Beldjike.
E 2007, les "vî tchômeus" estént 65.860 el lande, 112.027 el Walonreye, et 39.466 a Brussele. [1]
[candjî] Foû-posse dins des ôtes payis
E l' Almagne, on-z a todi peu ki les foû-posse soeyént dipus d' 4 miyons (soû sicolodjike).
[candjî] Payaedje des sins-posse
El Beldjike, di 1936 a 2005, on-z a payî les tchômeus. Li institucion ki s' ocupe di çoula si lome l' ONEM.
Po toutchî leu tchômaedje, les foû-z-ovraedje divént aler pwinter al comene. A conter di 2006, l' awaitaedje des foû-z-ovraedje si fwait electronicmint pal voye di l' Etrernete u di Rantoeles divintrinnes.
[candjî] Hårdêye difoûtrinne
[candjî] Sourdants
- ↑ Lete toûnrece do "Service Public Fédéral Affaires étrangères, Commerce extérieur et Coopération au développement, moes d' måss 2008.
