Tchini

Tchini (fr: Chiny) c' est ene comene di Walonreye, el province do Lussimbork.

Po des linwincieusès racsegnes sol mot "Tchini", alez s' vey sol Wiccionaire

eplaeçmint del comene el province

Dimorants: 4.940 (2004)
Arondixhmint: Vierton
Sitindêye: 113,69 km²
Dinsité: 43,27 djins/km²
Eplaeçmint sol Daegn: 49°44'N - 5°20'E

Hôteur: 249 a 439 metes
Band d' Tchini:
- Tchini (viyaedje)
- Les Bûles
- Chuchi
- Djamogne (avou Prouvi, Valansåt et Romponcele)
- Ijé (avou Pin et Moyen)
- Terme (avou Frinnoe, Frenwas).

Gn a yeu å cmince, dilé l' priyeuré di Conques (Arbûmont) èn ôte viyaedje ki s' loméve: li Vî Tchini, et k' a disparexhou sins trinner.

Djeyografeye [candjî]

Tchini s' trove el province do Lussimbork, etur Bietris et Floravile, so Smwès; c' est on viyaedje foirt touristike, avou l' pont Sint Nicolai (so Smwès).

Istwere [candjî]

Li Conteye di Tchini fourit askepieye e 941 pa Arnulphe di Granson (ene djin do payis d' Vaud, asteure el Swisse), k' aveut stî tchessî di s' payis. Li conteye va durer djusk' e 1364, date di s' rataetchmint a Montmédy. Ene coine do viyaedje si lome todi "li fôrt".

Li Conteye di Tchini esteut metou inte li Dutcheye di Lussimbork et l’ cene d’ Bouyon, ki Louwis XIV dijheut k’ il aveut des abondroets dsu. Et vorer so on grand boket des Bas Payis espagnols, å no di ces abondroets la. On djheut adon, po balter, ki li mitan do monde esteut dins l’ conteye di Tchini, et l’ ôte mitan e dpindeut. ^[1]