Aller au contenu

Li Devôr

Èn årtike di Wikipedia.
(Redjiblé di Å Devôr)

Po des linwincieusès racsegnes sol mot "Li Devôr", alez s' vey sol Wiccionaire

Li Devôr (la-minme, Lu Dèvôr, li pus sovint dins ene fråze, «å Devôr»[1]; neyerlandès Aardevoor, davance Aardevoorde[2], riscrît asteure Ardevoorde), c' esteut on hamtea metou mitan so Ezmåle, mitan so Élessene[3].

Asteure, c' est onk des coulots do Grand Londe, e l' province do Braibant flamind.

Li walon n' a divnou lingaedje des djins do Devôr k' assez tård, minme pus tård ki po les ôtes viyaedjes d' Élessene (Sinte-Ane ey Élessene minme). Insi, e 1890, on scrijheu si plind do metaedje a rén do flamind å Devôr.[4]

Li hamtea est pårti a deus pal voye lomêye l' Éribåne (neyerlandès Heerbaan). Ene pårteye a Bijhe est metowe so Ezmåle; l' ôte, a Nonne so Élessene. Li boket so Ezmåle, c' est ene cwénzinne di måjhones, foiravant des cinses. On î djåzéve flamind (e 1948), mins on î conmprindeut l' walon.

Li pårteye nonnrece, c' esteut bråmint des måjhons d' houyeus k' alént ovrer après Lidje. On î djåzéve walon e 1948. Mins èn ome k' aveut 9 ans e 1868 si sovneut do tins ki l' viyaedje esteut flamind et l' cåzéve co bén e 1944.[5]

Gn a èn aresse d' otobusse.[6]

Li walon do Devôr a stî studyî pa Robert Vanorlé.

  1. ↑ la-minme: Âdevor (Cayés walons 5/1977 p. 84)
  2. ↑ TG2 a «Aardevoorde»
  3. ↑ TG2 come ådzeu.
  4. ↑ Rutten, Bijdrage tot een Haspengousch idioticom, rapoirté dins l' live Legros sol frontire des lingaedjes el Beldjike p. 75.
  5. ↑ Live Legros, come ådzeu.
  6. ↑ (nl) Mape des otobusses