Aller au contenu

Li Devôr

Èn årtike di Wikipedia.

Po des linwincieusès racsegnes sol mot "Li Devôr", alez s' vey sol Wiccionaire

Li Devôr (la-minme, Lu Dèvôr, li pus sovint dins ene fråze, «å Devôr»[1]; neyerlandès Aardevoor, davance Aardevoorde[2], riscrît asteure Ardevoorde), c' esteut on hamtea metou mitan so Ezmåle, mitan so Élessene[3].

Asteure, c' est onk des coulots do Grand Londe, e l' province do Braibant flamind.

Lingaedjes[candjî | candjî l’ côde wiki]

Li walon n' a divnou lingaedje des djins do Devôr k' assez tård, minme pus tård ki po les ôtes viyaedjes d' Élessene (Sinte-Ane ey Élessene minme). Insi, e 1890, on scrijheu si plind do metaedje a rén do flamind å Devôr.[4]

Li hamtea est pårti a deus pal voye lomêye l' Éribåne (neyerlandès Heerbaan). Ene pårteye a Bijhe est metowe so Ezmåle; l' ôte, a Nonne so Élessene. Li boket so Ezmåle, c' est ene cwénzinne di måjhones, foiravant des cinses. On î djåzéve flamind (e 1948), mins on î conmprindeut l' walon.

Li pårteye nonnrece, c' esteut bråmint des måjhons d' houyeus k' alént ovrer après Lidje. On î djåzéve walon e 1948. Mins èn ome k' aveut 9 ans e 1868 si sovneut do tins ki l' viyaedje esteut flamind et l' cåzéve co bén e 1944.[5]

Transpoirts[candjî | candjî l’ côde wiki]

Gn a èn aresse d' otobusse.[6]

Tuzance walone[candjî | candjî l’ côde wiki]

Li walon do Devôr a stî studyî pa Robert Vanorlé.

Sourdants[candjî | candjî l’ côde wiki]

  1. la-minme: Âdevor (Cayés walons 5/1977 p. 84)
  2. TG2 a «Aardevoorde»
  3. TG2 come ådzeu.
  4. Rutten, Bijdrage tot een Haspengousch idioticom, rapoirté dins l' live Legros sol frontire des lingaedjes el Beldjike p. 75.
  5. Live Legros, come ådzeu.
  6. (nl) Mape des otobusses