Å dierin cripet (arimés)
Å dierin cripet & årvey då Drîmont (Au dérin cripèt & arvoye d'Ôdrîmont), c' est ene ramexhnêye d' arimés scrîts pa Willy Bal ey eplaidî après s' moirt pa Jean Germain dins l' pitite coleccion di l' SLLW e 2019. C' end esteut l' limero 42.
Contnou
[candjî | candjî l’ côde wiki]Li prumire pårteye, «Å dierin cripet» aveut ddja stî eplaideye dins ene pitite gazete di Twin, «Le Spantole»[1] e 2001. C' esteut po bistoker si franc soçon, Roger Foulon.
Li deujhinme pårteye, «årvey d' å Drîmont», c' est tos bokets rtrovés dins les vîs papîs do scrijheu, et ki n' avént nén stî metous dins l' live di ses arimés Oeuvres poétiques wallonnes 1932-1990 (1991).
Il ont stî scrîts di 1975 a 2006.
Egzimpe di boket
[candjî | candjî l’ côde wiki]- Nosse Pere di tt al fene copete
- Fijhoz prandjire a l' ombe di l' Åbe des Syince do Bén et do Må ?
- Estoz dalé mexhné dins l' grande Tere ås stoeles avou vo fåceye d' ôr?
- Oudon-bén, estoz ervoye a cwatre eures?
- Dijhoz m' on pô, Nosse Pere di tt al fene copete!
- Termetant k' vos fjhoz toubak a ene sadju,
- Way, termetant...
- Tant des poyons aprume eskepyîs ki fwaiynut leu dierinne båye!
- Tant des ptits moxhons rouwés al valêye do ni, arlochîs come des mandes sins cou, mambornés, macsådés, vindous po måluzance !
- Tant des mames ki braiynut !
- Tant des mzalés, des crombins, tant des cache-ås-crosses k' ont leu boyeas clawés a leus dos...
- Et par ci des mers et des dezerts,
- Dins les ureus payis k' les batchs sont rimplis a stritche,
- Tant des djonneas portant sins espwers, ki berotnut å mitan d' ene masse di bonzet crås ki s' plindnut d' åjhe.
- Froz co lontins toubak, Signeur, låvå, tt al fene copete? [2]
Corwaitaedje
[candjî | candjî l’ côde wiki](fr) Joseph Bodson, Cocorico, 4/2020 p. 5.