Åwe di poyî

Èn årtike di Wikipedia.
Pol discramiaedje des årtikes avou l' mot « åwe », loukîz cial.
Åwe di måjhon ki magne des yebes

Ene åwe di poyî ou oye di cinse, c' est ene åwe k' a stî doumiestreye.

End a d' deus sôres :

  • Anser anser domesticus
  • Anser cygnoides domesticus

Famile : «åwidîs»

Discrijhaedje[candjî | candjî l’ côde wiki]

C’ est on gros spès oujhea d’ poyî, avou les coûtès pates epåmêyes, on longou et on gros foirt betch.

Vicaedje[candjî | candjî l’ côde wiki]

djår crålant divant l' passaedje d' ene djin

Les åwes si pormoennèt sovint a tropes. Et roter tot berlondjant. I fåt ratinde k’ ele åyexhe passé on pont, loyminoymint (did la, li toponime « li Pont d’ oyes » a Abai).

Li måye si lome djår atake voltî les cis ki vnèt après.

Adon, tote li trope cråle (creye foirt). Avou s' criyaedje, ele dispiertèt les wårdeus cwand gn a des innmis ki vlèt moussî dins des murayes d’ ene veye (åwes do Capitole, do vî tins des Romins).

Mopliyaedje[candjî | candjî l’ côde wiki]

oû d' åwe di poyî, avou des oû d' poye inte di zels

L’ åwe pond on gros blanc oû, troes côp pus gros k’ èn oû d’ poye.

Djeus avou l' åwe di måjhon[candjî | candjî l’ côde wiki]

Divant 1900, on djetéve a l’ åwe : les pinde et sayî d’ elzî côper l’ cô did lon avou ene haminde (did la, l’ ratourneure « pindou a l’ åwe », pindou li tiesse djus).

Li dujhance a stî disfindowe pal Soce di Proteccion des Biesses diviè 1910.

Gn a eto l' djeu d' l' åwe, avou ene modêye e walon : « li caracole ki vout fé l' tchet ».

Commons
Commons
I gn a so les cmons Wikipedia des imådjes ou fitchîs son a vey avou l' åwe di poyî .