Arthur Masson
Arthur Masson a skepyî li 22 d' fevrî 1896 ey a morou li 27 di djulete 1970. I fourit on scrijheu d' Walonreye e francès, mins avou, divins ses lives, des cåzaedjes e walon.
Il est relî dins l' live «Cint Walons do 20inme sieke» di l' Institut Destrée.
Mwaissès dnêyes
[candjî | candjî l’ côde wiki]Il a vudî ene boune trintinne di lives, copurade inte 1940 et 1960. Ses lives racontèt li vicåreye des ptitès djins el Walonreye di ces trevéns la. Si mwaisse personaedje, c' est Twane, li mayeur di Trignole (èn acmaxhaedje des nos des vraiy viyaedjes di Tregne et d' Matignole), on bon vicant nén trop sûti.
L' Arthur Masson esteut eto, sol costé, on scrijheu e walon, mimbe des Relîs Namurwès. Pår e walon, il a scrît deus coûtès pîces di teyåte, "Li novea mwaisse di scole" et "Li lete di Novelan", ey ene cwénzinne di fåves, rimeas et tchansons (Les Cahiers wallons, 1954 et 1996). Gn a onk di ses rimeas, el vî batea k' a stî metou e muzike pa Julos Beaucarne e si plake «Co ene rawete» (2000).
Rilomêye
[candjî | candjî l’ côde wiki]Gn a ene plaece a s' no a Nameur.
Gn a tot on muzêye a Tregne a s' no et rmimbrant si ouve: l' Espåce Artur Masson.
Il a eto s' monumint a Rieze.
Gn a ene Voye Artur Masson
lete d' Arthur Masson a José Schoovaerts
monumint a Rieze
plake d' ene plaece a s' no a Nameur
plake sol Voye Artur Masson
li minme, ôte pårt
Alére
[candjî | candjî l’ côde wiki]Jacques Degeye: Li scrijheu Arthur Masson ådjourdu, Li Rantoele l° 117, bontins 2026.
