Arthur Masson

Èn årtike di Wikipedia.
Sauter à la navigation Sauter à la recherche
PLake d' ene plaece a s' no a Nameur
On ècoradjmint d' Arthur Masson a José Schoovaerts
Arthur Masson va continuwer à shûre José Schoovaerts

Arthur Masson a skepyî li 22 d' fevrî 1896 ey a morou li 27 di djulete 1970. I fourit on scrijheu d' Walonreye e francès, mins avou, divins ses lives, des cåzaedjes e walon.

Il a vudî ene boune trintinne di lives, copurade inte 1940 et 1960. Ses lives racontèt li vicåreye des ptitès djins el Walonreye di ces trevéns la. Si mwaisse persounaedje est Twane, li mayeur di Trignole (èn acmaxhaedje des nos des vraiy viyaedjes di Tregne et d' Matignole), on bon vicant nén trop sûti.

L' Arthur Masson esteut eto, sol costé, on scrijheu e walon, mimbe des Relîs Namurwès. Pår e walon, il a scrît deus coûtès pîces di teyåte, "Li novea mwaisse di scole" et "Li lete di Novelan", ey ene cwénzinne di fåves, rimeas et tchansons (Les Cahiers wallons, 1954 et 1996). Gn a onk di ses rimeas, el vî batea k' a stî metou e muzike pa Julos Beaucarne e si plake Co ene rawete (2000).

Gn a ene plaece az s' no a Nameur.

Difoûtrinne hårdêye[candjî | candjî l' côde wiki]