Abdel Halim Hafez

Èn årtike di Wikipedia.
Sauter à la navigation Sauter à la recherche
(diviè 1970)

Abdel Halim Hafez (Aabdelhalim Hafizh, en arabe عبد الحليم حافظ; Halim po les soçons), c' esteut on rlomé tchanteu edjipsyin. Il a skepyî li 21 di djun 1929 et a morou li 30 di måss 1977.

C' est onk des pus grands tchanteus del tchanson arabe di tos les tins.

Il ataca a fé concert diviè 1954. Li prumî côp, i s' va fé xhufler, pask' i tchantéve des tchansons da sinne, et nén do rlomé tchanteu d' adon, Mohammed Abdel Wahab.

I s' fijha cnoxhe avou des tchansons patriyotikes, les prumires al revolucion da Nasser, e 1952. Ci-cial el vina schoûter mwints côps a ses concerts, li prumî côp, la k' i passéve djusse après Oum Kalthoum.

Pu i tchanta co po-z ecoraedjî l' årmêye edjipsyinne al Crijhe di Souwez (1956). Adonpwis e 1967, tins del guere des shijh djoûs. K' a divnu rade ene coûte djoye, cwand les årmêyes arabes ramassît ene dispoûslêye.

Al fén, cwand les Edjipsyins rprindît l' erive levantrece do tchenå d' Souwez e 1974. Après çoula, i tchanta po-z ecoraedjî li politike di påye avou Israyel da Sadate.

Mins li pus grosse pårt di ses tchansons, c' est des tchansons d' amour, sovint foirt peneuses. Come d' efet, i veya voltî ene comere, mins nel pola spozer, di cåze del famile del feye, des gros ritches do Caire.

I mora del bilarziôze, k' il aveut atrapé tot djonne tot pexhotant dins les cropantès aiwes di s' viyaedje, et k' il a trinné tote si veye.

Abdelhalim eyet l' cinema[candjî | candjî l' côde wiki]

Il a djouwé dins 16 fimes, di 1955 a 1969. Li dierin, c' esteut "Abi foq ech-charara" ("Popa al copete di l' åbe").

Gn a on fime so s' vicåreye k' a rexhou e 2006.

Sacwantès rlomêyès tchansons[candjî | candjî l' côde wiki]

  • Tchansons patriyotikes
    • "Nasser, ya horiyya !" (Nasser, twè, l' liberté !)
  • Tchansons d' amour
    • "Qari'at el fenjan" (dijheuse di boune advinteure li lét dins les veres)
    • "Rissala min tahat el ma (lete did dizo l' aiwe)
    • "Samrae" (brune comere)