Abel (binde al muzike)
Abel, c' est ene binde di muzike neyerlandès eyet neyerlandès-cåzante ki vént d' Effen, ene comene nén lon d' Breda, dins l' province do Braibant Bijhrece. Èç binde ci est puvite kinoxhowe po li tchanson, Onderweg, k' aveut rexhowe e 2000.
Istwere
[candjî | candjî l’ côde wiki]Atake
[candjî | candjî l’ côde wiki]E 1996, i gn aveut Joris Rasenberg, Freek Imbens eyet Robert Stobbelaar k' avént askepyî l' binde. Ces troes omes la s' kinoxhént ddja dispoy les umanités. Avou ça, s' a radjouté èn ôte mimbe : John Koeken. El binde si loméve dinltins : The Acting Crowd. Tenawete, après èn an, il avént decidé d' ercandjî l' no po Abel, c' esteut po rinde bon dvwer a on fime d'Alex van Warmerdam. I volént eto fé del pope neyerlandesse. El prumire såye, fwaite pa zelzôtes, leu dene on contrat po l' eredjistrumint. Totfeye, Robert Stobbelaar, k' esteut l' bateu, aveut låtchî l' binde. Abel ricwereut, adon, après on novea bateu, pus on deujhinme guitarisse. Il avént trové Emiel Drost pol batreye, insi ki Maarten van Damme come deujhinme guitarisse.
Prumire yet dierinne rilomêye
[candjî | candjî l’ côde wiki]El prumire tchanson del binde (3 dagen zon) n' aveut nén stî. Mins nerén, ene ôte tchanson, Onderweg, a divnou foirt peuprece ey aveut stî al prumire plaece dins les clasmints neyerlandès eyet flaminds a l' atake di l' anêye 2000. Ene miete après, el binde aveut rexhou ès prumî albom : De stilte voorbij. Les TMF Awards avént dit d' zels k' Abel esteut ene binde avou l' pus bea avni. Abel aveut djouwé po rén po les victimes des feus d' årtifice d'Enschelde. Al fén d' ciste anêye la, el binde aveut djouwé al Night of the Proms, ki s' aveut passé e-n Ahoy, nén lon d' Rotterdam.
Padri Onderweg, Abel a fwait berwete. Bråmint ont låtchî l' binde dins les deus ans k' avént shuvou. Joris Rasenberg esteut l' dierin a awè dimané, mins il a stî ridjondou pa Eric Smans, on novea guitarisse. E 2002, ès deujhinme albom, Doen en laten, ere rexhou, mins c' esteut ene kine.
Ralaedje
[candjî | candjî l’ côde wiki]Abel a rivnou e moes d' setimbe 2010, avou ene troejhinme muzike : Zolang je bij me bent. Elle aveut stî shuvowe på troejhinme albom : 12 uur. Li tchanson, Tot het helder wordt, c' est l' dierinne tchôze k' el binde a fwaite eyet c' esteut e 2012.
Discografeye
[candjî | candjî l’ côde wiki]Alboms
[candjî | candjî l’ côde wiki]- 2000 : De stilte voorbij
- 2002 : Doen & laten
- 2010 : 12 uur
Tchansons
[candjî | candjî l’ côde wiki]- 1999 : 3 dagen zon
- 2000 : Onderweg
- 2000 : Neem me mee
- 2000 : Zonder een woord
- 2001 : Liedje
- 2001 : Nooit meer bang
- 2002 : Walsen
- 2010 : Zolang je bij me bent
- 2012 : Tot het helder wordt
Sourdants
[candjî | candjî l’ côde wiki]Biografie van Abel (band) in de Muziekencyclopedie
Ratournaedje di l' årtike do Wikipedia neyerlandès-cåzant :