Adelin Grignard
Adelin Grignard (ossu Hadelin Grignard[1]), Adelin-Marie Grignard[2]) a vnou å monde a Vervî li prumî d' setimbe 1875. Il a morou a Ranchi, estat do Bingale (Inde) li 31 di may 1942.
C' esteut on scrijheu e walon (dizo l' no d' pene di «Halin», metou po «Hålin») et on rcwereu sol walon.
Riprins dins l' Antolodjeye des powetes e walon d' après Vervî.
Di s' mestî, il esteut priyesse (djezwite), professeur d' umanités, pu missionaire catolike.
Ouve e walon
[candjî | candjî l’ côde wiki]I cmince pa produre des powinmes sol tinme del rilidjon (1901-1902), k' i rashonne avou come tite: «Tchiptèdjes et côps d' èle» (Imprimreye Dereppe, Serè, 1901).
Adon-pwis, e-n ene deujhinme ramexhnêye, «Nosse Dièwe, nosse payis, nosse coulèye» (1908).
E 1905, avou Jules Sottiaux, il a-st enondé l' gazete El Cok d' Awousse.
On l' kinoxhe aprume po si studia sol Walon do Coûtchant;: Phonétique et morphologie des dialectes de l'ouest-wallon, eplaidî dins l' BSLLW e 1908.
E 1906, i fourit evoyî ås Indes pa ses mwaisses ås djezwites, et s' ni scrijha-t i pus e walon.
Si avuzion sol walon
[candjî | candjî l’ côde wiki]Onk des prumîs a vey, tot djonne, ki li rfondaedje et l' linwe-ehåyaedje do walon, c' esteut l' seule piceure po l' polou schaper. «Di Bince a Vervî, di Åve a Djivet, Troes miyons d' Walons n' årént k' ene seule vwès.» sicrijha-t i e-n ene tchanson lomêye «Li tchant des Walons».
Alére
[candjî | candjî l’ côde wiki]- Antolodjeye des powetes e walon d' après Vervî (1928) p. 425-436.
- (fr) Cayés walons l° 36 (1941) p. 692.
- (fr) Le Père Adelin Grignard (Nécrologie), Les dialectes belgo-romans, t. 5, Brussele, 1946, pp. 181-183.
- (fr) Adelin Grignard, l'initiateur de l'étude de l'ouest-wallon, divins: «On fiesse les sints»: Les fêtes calendaires dans la littérature en wallon carolorégien (3), Ed.El Bourdon, 1993, p. 3-13.
Hårdêyes difoutrinnes
[candjî | candjî l’ côde wiki]
Vos trouvroz des racsegnes so les ouves da Adelin Grignard, u les ouves zeles-minmes, so Wikisourd e francès. (ovraedjes e francès)- Vos trouvroz des racsegnes so les ouves da Adelin Grignard, u les ouves zeles-minmes, so Wikisourd e walon. (scrijhaedjes e walon)
