El Bourdon (gazete)

Èn årtike di Wikipedia.
(Redjiblé di El Bourdon)

El Bourdon, c' est ene gazete e walon ki parexhe tos les moes dispoy setimbe 1949.

Tot prumî limero do Bourdon

C' est purade des scrijhaedjes di belès letes.

Les Eplaidreyes do Bourdon editnut des lives sicrîts pa les cis ki metnut leus bokets dins ç' gazete la.

Lomaedje[candjî | candjî l’ côde wiki]

Si no provént do spot del grosse clotche do cloke-poite di Tchålerwè. On dessén di ç' befrwè la avou l' cloke padvant a dmoré dessiné so tote el prumire rîlêye del gazete.

Istwere[candjî | candjî l’ côde wiki]

El Bourdon fourit metou en alaedje pa Félicien Barry, ecoraedjî pa Henri Van Cutsem, po-z eplaidî des tecses di belès letes e walon di scrijheus d' Tchålerwè et co d' ôte pårt, et eto dner des noveles (e francès) des boutaedjes pol walon dins l' Hinnot, dins l' Roman Payis, et co pus lon.

Cwand i parexhe, on dit k' i zûne (come li Moxhon d' Ônea et li Viye Sprewe xhuflèt). I vude tos les moes.

E 2004, i s' a etroclé avou l' Moxhon d' Ônea, mins tot wårdant tchaeke si tite.

E 2007, il a fwait parey avou l' gazete e picård "No boutique".

Lingaedjes[candjî | candjî l’ côde wiki]

Èl bourdon est sicrite e troes lingaedjes : e walon, e picård ey e francès.[1] Tot rwaitant les prumîs lingaedjes, les oteurs scrijhnut avou l' ortografeye k' est l' pus djondant d' wice k' is vicnut. Adon, pol walon, les scrijheus uznut voltî li sistinme Feller. Pol picård, c' est puvite do Feller-Carton.

Imprimeus do Bourdon[candjî | candjî l’ côde wiki]

Aprume, c' est Félicien Barry ki l' a-st imprimé divins si imprimreye. C' est ene cogne A4 avou do papî d' gazete. Tchaeke limero a ene coviete diferinne, mins todi so on cåde avou l' poite-cloke di Tchålerwè (et l' grosse cloke lomêye «El Bourdon») dissu, a hintche. Eyet l' malton ki s' enûle dins l' coine ådzeu, divant l' tite : «el bourdon», et l' sortite «d'Châlèrwè èt co d'ayeûr».

Adonpwis, il a stî a stî imprimé pa l' Imprimreye Scaillet, di Montniye-Tiyoû. C' est l' coleccion avou ene coviete di cwårton et do papî d' silabusse. El dessén del coviete, c' est èn amineu ki tént l' mårtea et fé aler on drapea, avou les cawoûtes des oujhenes padrî. L' årtike «el» eyet l' mot «bourdon» prindèt des grandès letes «El Bourdon»

Onk des prumîs limeros insi, c' est li 293, di fevrî 1977. Onk des dierins, li 371, do d' decimbe 1984.

Il vudive adon a cwénze cints egzimplaires.

Li novele cogne, pus ptite (c' est d' l' A5) kimince dandjreus après. Li limero 452 date do moes d' djanvî 1993. Li tite ridvént e ptitès letes, avou èn accint so l' årtike: «èl bourdon».

Sacwants bouteus pol Bourdon[candjî | candjî l’ côde wiki]

Hårdêyes difoûtrinnes[candjî | candjî l’ côde wiki]

limero Anêye moes Scanaedje do limero
1 1949 setimbe limero 1
2 1949 octôbe limero 2
3 1949 nôvimbe limero 3
4 1949 decimbe limero 4
13 1950 setimbe limero 13
14 1950 octôbe limero 14
15 1950 nôvimbe limero 15
17 1951 djanvî limero 17
18 1951 fevrî limero 18
212 1968 djanvî &
fevrî
limero 212
216 1968 djun limero 216

Sourdant[candjî | candjî l’ côde wiki]

  1. 1,0 1,1 et 1,2 Fauconnier, J.-L. et al. (2021, moes di djun). El bourdon, l° 757.