Adrovire

Èn årtike di Wikipedia.
Sauter à la navigation Sauter à la recherche

Wiktionary-logo.svg

Po des linwincieusès racsegnes sol mot "adrovire", alez s' vey sol Wiccionaire

Ene adrovire, c' est ene troke di mots, foirt coranmint siervous dins l' emantchaedje del fråze walone, ki s' metèt al tiesse del fråze po refoirci on sudjet u on coplemint.

Gn a l' vatche ki vele.

Li boket del fråze ki cmine pa "ki" rishonne a ene fråzlete rahoucrece. C' est l' minme tcherpinte, mins nén l' minme fonccion.

Adrovire "gn a ... ki"[candjî | candjî l' côde wiki]

Gn a vosse pa ki vs a houkî.

c' est on refoircixhaedje di :

Vosse pa vos a houkî.

Adrovire "c' est ... ki"[candjî | candjî l' côde wiki]

emantchaedje simpe[candjî | candjî l' côde wiki]

C' est mi k' est mwaisse.

C' est on refoircixhaedje di :

Dji so mwaisse.

emantchaedje pus long[candjî | candjî l' côde wiki]

C' est mi k' i fåt k' î våye.

C' est on refoircixhaedje di :

I fåt k' dj' î våye.

Adrovires dins les ôtes langues[candjî | candjî l' côde wiki]

francès[candjî | candjî l' côde wiki]

«c'est … qui»: minme fonction ki li sfwaite adrovire e walon.

c'est moi qui ai raison et c'est vous qui avez tort. (c' est mi k' a råjhon, et c' est vos k' a toirt)

Hårdêye difoûtrinne[candjî | candjî l' côde wiki]

Definixha des adrovires dins l' motlî del pitite Croejhete da L. Hendschel