Albert Houart

Èn årtike di Wikipedia.
Aller à la navigation Aller à la recherche

Albert Huart a skepyî li 22 d' avri 1914 a Nameur ey a morou li 2 d' djanvî 2009.

C' esteut on sculteu so bwès et so pire.

Il a stî l' prumî a taeyî li noer måbe di Mazi, foirt målåjhey a travayî.

Vicåreye[candjî | candjî l’ côde wiki]

Il aveut crexhou a Cînè.

Diplomé del sicole des Bea-Årts di Nameur e 1934, pu del Rweyåle Academeye des Beas-Årts di Brussele e 1936.

E 1944, il est lomé professeur di scultreye sicole des Bea-Årts di Nameur. Pu ndè divni directeur e 1973.

I n' esteut nén foirt kinoxhou des djins, ca i n' espôzéve pus dispu les anêyes 1980.