Ansene

Èn årtike di Wikipedia.

Po des linwincieusès racsegnes sol mot "ansene", alez s' vey sol Wiccionaire

Di l' ansene, c' est on prodût des cinses, ki c' est les crotes d' aclevåvès biesses avou do strin, k' on va stårer so les tchamps d' culteure, po ls ecråxhî.

Motlî[candjî | candjî l’ côde wiki]

Li plaece k' on rashonne l' ansene d' on ståve si lome l' ansinî u hopea d' ansene. S' i gn a on murea åtoû, c' est on pådje.

Li djus ki vént foû d' l' ansinî pout fé ene basse divant: c' est l' pårdjire.

Uzaedjes di l' ansene[candjî | candjî l’ côde wiki]

On va moenner a l' ansene, dj' ô bén: el tcherdjî do pådje so on tchår u ene tcherete et l' tcheryî eviè on tchamp a ansiner.

Sol tchamp, on haetche l' ansene djus avou on havet, tot fjhant des ptits monceas pattavå l' tchamp.

Divinltins, on l' sitåréve dins l' tchamp al fotche. Diviè les anêyes 1950, les cinsîs ont yeu des ståreuses a l' ansene.

Sacwès vijhenes[candjî | candjî l’ côde wiki]

L' ansene di plantes (composse), c' est ene sôre d' ansene, mins sins crotes.

Li bigåd,c' est l' pixhete des biesses, ki s' rascod dins ene .

Li lizî, c' est l' ansene sins strin.

Les ansinåves, c' est les restants d' amagnî ki s' polèt dismantchî biyiolodjicmint, et fé d' l' ansene.