Antibiyotike

Èn årtike di Wikipedia.
Potchî a: naiviaedje, cweri

Wiktionary-logo.svg

Po des linwincieusès racsegnes sol mot "antibiyotike", alez s' vey sol Wiccionaire

Èn antibiyotike, c' est on prodût farmaçrece, tchimike ou naturel (sovint saetchî foû d' on tchampion microscopike) ki pout touwer bactereyes sins fé do toirt ås djins ou ås biesses ki l' prindèt.

Lomaedje[candjî | candjî l' côde wiki]

Teyoricmint, les prodûts conte les virûsses ou les protozowaires, les tchamosseures, divrént eto esse lomés antibiyotikes mins dins l' lingaedje di tos les djoû, nén. Les prodûts k' on ndè cåze cial, c' est, dabôrd des sconte-bateryins.

Uzaedjes[candjî | candjî l' côde wiki]

On sieve les antibiyotikes come riméde disconte des maledeyes ås bactereyes. Pus rålmint, disconte d' ôtes rascråwants adjints, come sacwants protozowaires.

On ls a eto eployî po stombyî l' crexhance des polets d' poytreye et des pourceas. Loukîz a «antibiotike aidant d' crexhance».

Rindjmints des antibiyotikes[candjî | candjî l' côde wiki]

Miniauge.gifLoukîz a : Famile d' antibiyotikes

Antibiyo-edurance[candjî | candjî l' côde wiki]

Miniauge.gifLoukîz a : Antibiyo-edurance

C' est cwand ene sôre di bactereye n' est pus touwêye pa on metou antibiyotike. Ça arive cwand on-z eploye må les antibiyotikes.

Rîles d' eployaedje des antibiyotikes[candjî | candjî l' côde wiki]

Po-z adiercî s' côp e-n ene antibiyomédyince, i fåt: - médyî å cminçmint del maladeye - medyî foirt (al boune dôze) - médyî djusse (antibiyotike ki li speke respond al rascråwante bactereye). - médyî lontins assez (sovint 3 a 7 djoûs)

Commons
I gn a so les cmons Wikipedia des imådjes ou fitchîs son a vey avou les antibiyotikes .