Houprale di fagne

Pol discramiaedje des årtikes avou l' mot « houprale », loukîz cial.

ses oûs

Li houprale di fagne, c' est èn oujhea d' nute magneu d' tchå.

Sincieus no d' l' indje : Asio flammeus

Famile : Houpralidîs (Strigidae).

Discrijhaedje

C' est ene houprale di taeye emîtrinne, 38 cintimetes hôte. C' est a pô près come li houprale ås orayes (36 cintimetes).

Mins ses orayes, ni s' veyèt cåzumint nén. Did la, si no e-n inglès (houprale ås coûtès orayes, short-eared owl).

Ses djaenes ouys ont dné li ratourneure walone "des ouys di houprale".

Vicaedje

C' est ene des houprales k' on voet cobén volant e plin djoû.

Ele dimane dins les trîxhes, les marexhes, les dunes di såvlon, les plinnes sins bwès.

Ele fwait s' ni al tere, a l' årvier do duk di bwès (ki l' fwait dins ene fotche d' åbe) u l' pitit tchafô ki dmeure dins les rwenes.

Spårdaedje

E bleu-cir, payis k' il î a disparexhou

On l' ritrouve totavå li dmeye-bole bijhrece.

E l' Walonreye, c' esteut on dmorant. Mins on nel trouve cåzumint pus a cåze des viaedjes todi pus stindous, aprume al mer, et ossu cåze l' assouwmint des fagnes avou l' plantaedje des sapéns totavå e 20inme sieke..