Assôt d' danse

Èn assôt d' danse, c' est ene bate di danse, todi les minmes, k' on fjheut dins les tavienes di Djudla-Mouze. Il ont stî bén discrîts dins "Li houlot" da Dieudonné Salme.

Les danseus estént moussîs avou ene marone di couti u d' cur inglès, des blancs stotchets, des schates solés. Leu tchmijhe esteut metowe po bouzler on pô divant d' esse sitrindowe pa ene lådje cingue.

Divant d' danser, les danseus s' dinént ene pougneye di mwin.

I dvént danser, eshonne, ene après l' ôte :

• li passe-pî
• les maclotes
• li Novelisté
• li pas d' deus

Gn aveut on djuri, ki rindeut les pris docô après l' assôt.