Bahous d' canadas

Èn årtike di Wikipedia.
Sauter à la navigation Sauter à la recherche

Les bahous d' canadas (on dit eto: rantches di crompires), c' est les foyes et les montants des canadas, copurade cwand i sont souwés.

El Walonreye, dinltins, les bahous estént sovint broûlés po fé des gådrêyes, la k' on cujheut les crompires al pelete. C' esteut après l' 15 d' octôbe, cwand on pleut aler wårder ås vatches a rlame (dins tos les tchamps).

Ôte pårt, on pout dner les rantches a magnî ås vatches. Mins i n' les fåt nén dner tote vetes, ca ele sont epweznantes, copurade s' i gn a des vetes fruts dissu. I contegnnut del solanene.

E l' Afrike bijhrece, la k' i gn a waire di bwès, on pout broûler les bahous dins les fors å pwin.