Basse d' aiwe
Ene basse d' aiwe ou floye ou pus simpmint ene basse, c' est ene plaece ki l' aiwe î dmeure so ene certinne sitindêye.
L' aiwe î pout dmorer tote l' anêye ou nén.
Li basse pout esse naturele ou schavêye.
Li mot "basse" rivént dins sacwants nos d' plaeces del Walonreye.
Discrijhaedje et rmetaedje ås ôtes sitindêyes d' aiwe
[candjî | candjî l’ côde wiki]
Li basse est pus grande k' on potea ou on frexhea, ki l' plouve a askepyî et k' endirè cwand i rfrè setch. Elle est pus ptite k' ene laetche ou ene astantchêye.
Gn a rén d' bén clair po mete di l' adire inte "basse" et "vevî".
Li vevî a todi stî schavé pa les djins, et î basti ene astantche, ey est siervou pa ene corante aiwe k' endè rexhe.
Li basse est pus sovint naturele. Ele pout s' rimpli a pårti d' ene corante aiwe, mins cisse-ciale n' è vude nén.
Sôres di basses
[candjî | candjî l’ côde wiki]- basse d' enaiwaedje ou basse di plouve
- dins des fonds
- dirî des ramblais (voye, tchimin d' fier)
- basse abuvroe (po les biesses)
- basse di plaijhance (sins les cortis).
- basse sicolrece
