Ancyins Bedjes

Pol discramiaedje des årtikes avou l' mot « Ancyin Bedje », loukîz cial.

Les Ancyins Bedjes, istoricmint, c' esteut les dmorants del Gåle beldjike, sorlon l' live Djule Cezår «Li guere des Gåles».

Li mwaisse mot e latén po cåzer d' zels, c' est «Belgae».

N aveut ene atuze pus stroete do mot «Ancyin Bedje» dins les lives di scole del Beldjike e 20inme sieke.

Mwaissès piceures di ces djins la

C' esteut des Gålwès di tuzance cele.

I djåzént li gålwès, on lingaedje gayel.

I shuvént li rlidjon des Celes (drudisse).

Il estént ratroplés a tribus u federåcions d' tribus.

Discrijhaedje pa Djule Cezår

Les Ancyins Bedjes estît loukîs, pa Djule Cezår, come les pus coraedjeus di tos les peupes del Gåle:

Les pus fels des troes peupes des Gåles, c' est les Bedjes, paski c' est zels ki sont metous li pus lon erî del Province rominne, et des plaijhis del civilizåcion. Les martchands n' î alèt nén beacôp, et, dabôrd, n' î fjhèt nén moussî çou ki rind les djins nawes. Eto, pask' i sont les pus addé les Tîxhons, ki dmeurnut djudla Rin, et ki sont tofer e margaye avou zels

Cisse fråze la shonne awè stî scrîte po les senateurs di Rome diner des noveas buddjets militaires a nosse djenerå Djule Cezår (ki n’ esteut nén co impreur). Plamour k' après cisse fråze la, li minme Djule Cezår discrît les Ancyins Bedjes come des djins ki s' margayént tofer inte di zels. Il estént mannets. Leus guerîs n' avént nole schoûte. I s' kidujhént come des biesses.

Tribus des Ancyins Bedjes

Tribus k' ocupént li Beldjike d' asteure

Loukîz a : Ancyins Bedjes (atuze escolresse e l' Beldjike e 20inme sieke)#Les tribus d' l' Ancyinne Beldjike

Ôtes tribus

…