Belgischer Rundfunk

Cisse pådje ci n' est co k' on djermon, dj' ô bén k' el pådje est djusse sibåtcheye, eyet co trop tene ; et s' divreut ele ecråxhî ene miete. Si vos avoz des cnoxhances so ç' sudjet ci, vos nos ploz aidî, clitchîz sol loyén « candjî l' pådje » po radjouter des informåcions.

Logo del BRF, c' est l' soce di radio yet di televuzion publike almand-cåzante, el Beldjike.

Li BRF, k' on lomreut puvite e walon : Spårdaedje di radio bedje ([DE] Belgischer Rundfunk ; [FR] Radiodiffusion belge), c' est ene soce publike di radio yet di tévé, metou a Neyåw, dins l' kiminålté tîxhon-cåzante di Beldjike. Elle a stî askepieye li 18 di fevri 1977, shûvant el federalizåcion k' aveut ddja comincî el Beldjike eviè 1970. Å moumint cwand les Flaminds, les Walons eyet les Tîxhon-cåzants ont divnou tchaeke troes diferinnès kiminåltés.

Istwere

Dedja e 1945, des emissions e-n almand estént transmetowes dispoy Brussele, insi k' a Lidje e 1961 på RTB.

Avou l' dispårtaedje do siervice publik sorlon les cminåltés e 1977 etur l' RTBF eyet l' VRT, on-z a askepyî l' BRF pol Walonreye prûssyinne.

Siervices

Asteure, el BRF conte cwate tchinnes di radio ey ene al tévé :

• BRF1 : ele propôze sortot des racsegnes sol Beldjike eyet l' daegne. I gn a eto sacwantès emissions sol muzike ey el culteure. BRF pout esse schoûter disk' a Lidje, veypus Nameur.
• BRF2   leye, elle atåvele del muzike pol djonnesse, bråmint e-n almand, mins nén seulmint. Elle est eto disponibe disk' a Lidje.
• BRF-DLF : c' est on samenwerkigne avou ene tchinne di radio almande, Deutschlandfunk.
• 100,5 Das Hitradio : c' est ene radio avou les tchansons do moumint. Ele si toûne puvite viè l' Walonreye prûssyinne ey el redjon åtoû d' Åxhe.
• BRF-TV : c' est l' posse di televuzion. C' est ene tchinne ki traite des afwaires coinreces des Redîmés Payis. On n' el pout rwaitî k' dins l' province di Lidje.

Hårdêye difoûtrinne

Li waibe oficire del soce.