Benjamin Hardy

Èn årtike di Wikipedia.
Sauter à la navigation Sauter à la recherche

Benjamin Hardy, c' esteut on scrijheu e walon do grand payis d' Lidje.

I fjheut purade des arimés.

Ouve e walon[candjî | candjî l' côde wiki]

Il a rexhou, al boune troes ptits livrets, sins lowé sins date :

C' est on ptit livret d' 78 pådjes.

Egzimpe d' onk di ses rimeas[candjî | candjî l' côde wiki]

L' ome di dmwin

On pinse ki l' ome di dmwin serè
Tot ôte tchoi k' ouy, on fenominne;
Ki c' est motoit lu ki cdurè
Les stoeles al cawe, avou leus trinnes

Mwaisse des planetes, mwaisse do solo
I n åreut vormint d' cwè esse fir;
Mins ns serans bén seur tertos sots
A s' croere tchîfs do celesse impire

Portant, c' est l' vraiy, li syince moenne lon.
Ki s' pout i passer so ene sigonde ?
Mins serans dj' djamåy å coron
Di çou k' est possibe so nosse monde ?

C' est bén pocwè ki l' ome di dmwin
Ni serè nén l' ci k' on vout dire ;
Mins bén l' ci k' årè l' cour sol mwin
Po rweri tos les mås d' acwire.

Paski todi les edvincions
Apoirtèt l' diloujhe come l' aweure.
I n' fåt k' on fel Napoleyon
Po distrure tos nos ptits bouneurs.

(...)

Çou k' nos fåt, c' est pus d' cour tertos,
Onk po l' ôte, conte totes nos rabrouxhes,
Po profiter sins wai d' acros
Do bouneur ki passe divant l' ouxh.

N' a nole avance di s' esblawter
So çou ki s' pasrè pus tård
Tuzans puvite a nos inmer
Sins risker d' esse avå les cwåres.

Shuvans l' progrès, pusk' il fåt bén.
Siervans nos di çou k' on edvinte
N' a nouk ki pout dmorer drî-mwin
Tot s' fotant d' tot, et d' l' an cwarante.

Mins ni rovians nén do fé l' bén,
Åtoû d' nozôtes, cwand c' est possibe.
Insi, nos serans l' ome di dmwin,
Tot ratindant l' Apocalipe.

(divins : "D' ene coxhe so l' ôte", p. 60-61.