Betleyem

Èn årtike di Wikipedia.
Porcession catolike li 24 di decimbe, avou l' båzlike del Nexhance padrî

Betleyem, c' est ene veye di Palestene, 10 km lon, a Nonne di Djeruzalem.

Dipu li påye d' Oslo, elle est metowe dins li cåzu-estat palestinyin.

C' est a Betleyem ki Djezu-Cri åreut vnou å monde, teyoricmint e l' an 1. Mins, sorlon sacwants rcwereus, e 6 divant Dj.C.

Gn a la 25.000 djins ki vicnut, mins pôvriteuzmint, di cåze di l' essermint del veye pa Israyel. Pal voye do Meur di pårtixhaedje del Palestene, et des straegnès rîles po moussî laddé.

On-z î pratike les rlidjons muzulmane et crustinne (catolike, protestant, ortodosse).

Economeye[candjî | candjî l’ côde wiki]

Avou l' esseraedje israyelyin, l' economeye est pôvriteuse. Les martchandeas d' sovni vindèt çou k' i polnut. Gn a des scrinîs ki les ahesnut avou des posturetes do ptit Djezu, et des ôtes persounaedje del creche.

Avey[candjî | candjî l’ côde wiki]

Li båzlike del Nexhance, avou li trô del Nexhance. C' est la k' i gn a on perlinaedje après l' messe e meynute, li djoû d' Noyé.

Li moskêye Omar, djusse ene miete pus lon.

Ene eglijhe luteryinne.


Commons
Commons
I gn a so les cmons Wikipedia des imådjes ou fitchîs son a vey avou Betleyem .