Blouwett lîgeoiss
Blouwete lidjwesse
Blouwett ligeois c' e-st ene ramexhnêye di paskeyes et di tchansons da Henri Forir eplaideye e 1845
On pout lére divins bråmint des tchansons scrîtes po buskinter l' novea curé did la. Avou ça, i gn a ossu sacwantès paskeyes, emey zels li rilomé "Li ctapé manaedje."
Bokets saetchîs foû di l' ouve
[candjî | candjî l’ côde wiki]Li ctapé manaedje
S’ i gn a tant des femes ki s’ plindèt
Ki leus omes vont å cåbaret
Passer leu shijhe, piede leu djournêye,
Sol tins k’ ele sont totes disseulêyes
Avou deus troes haeyåves efants
Ki fjhèt come des ptits diales raenants,
Ma frike ! c’ est bén sovint d’ leu fåte.
C’ est l’ nawreye et l’ crasse ki les gåte !
Pocwè nén ene gote s’ atîtoter
Po plaire a l’ ome k’ on-z a spozé ?
Fåt i dmorer come ene souwêye,
Li cou so ene tcheyire e l’ coulêye ?
Alez ! si dj’ aveu-st ene insi,
Dji l’ åreu bén rade elaidi,
Ca ene feme ki n’ a ni gosse ni gråce,
Dji lome çoula ene fameuse eplåsse
Et dj’ plind l’ pôve coir ki s’ a maryî (marié)
Avou ene dôrlinne ki n’ vout rén fé.
Hårdêye difoûtrinne
[candjî | candjî l’ côde wiki]- [1]
Vos trouvroz des racsegnes so les ouves da Blouwett lîgeoiss, u les ouves zeles-minmes, so Wikisourd e walon.
