Henri Forir

Èn årtike di Wikipedia.
Henri Forir
Portrait da Henri Forir (litografeye da Florimond Van Loo)
Skepiaedje20 di nôvimbe 1784, Hèsta
Moirt11 d' avri 1862, Lidje
Activitésscrijheu

Henri Forir a skepyî li 20[1] u l' 21 di nôvimbe[2] 1784 ey a morou li 11 d' avri 1862.

Ci fourit on scrijheu e walon eyet diccionairî.

Il esteut djeyomete di s' mestî.

Ouve e walon et sol walon[candjî | candjî l’ côde wiki]

I ramexhna des mots walons dispu 1820, mins si mwaisse ouve, li Dictionnaire liégeois-français n' a parexhou k' après s' moirt, e deus gros lives, e 1866 et 1874. Il î rprind des mots et des fråzes di tos les tchamps del vicåreye, et nén fok li "lingaedje des ptitès djins".

Come sicrijheu, i fourit rlomé long et lådje avou ene paskeye sol mariaedje, a môde di dvinltins, “Li ctapé manaedje” k' a moussî foû e 1836.

I scrijha eto del prôze nén racontrece, “So les bassès scoles do vî tins”, eplaideye dins onk des prumîs bulténs del Société Liégeoise de Littérature Wallonne.

Prezidint del minme S.L.L.W. e 1856, i leya ouve, pask' on n' esteut nén d' acoird avou si sistinme d' ôrtografeye, lon erî del cene do francès.

Pî-notes[candjî | candjî l’ côde wiki]

  1. Come i l' dit lu-minme divins s' tecse : Notul so lè bazè skol dè vî tin, 1862, Forir nos dit k' il a skepyî li 20 di nôvimbe 1784 : « C’è la [a Cronmoûse] ki, li vintt di novinb mèie sett cin è ûtante kwatt, li Bondiew s’a-t-avizé di m’ tapé so l’tair… »
  2. Biyografeye da Forir, divins l' Diccionaire des Walons.

Difoûtrinnes hårdêyes[candjî | candjî l’ côde wiki]