Bocse taylandesse

Èn årtike di Wikipedia.
Potchî a: naiviaedje, cweri
Ene lûte di bocse thaïlandesse inte des djonneas d' Bancok

Li bocse thaïlandesse (oudobén Muay Thai) est on spôrt di toursiyaedje (ou årt mårciå) ki vént d' Taylande wice k' i est loukî come li spôrt nåcionå.

Discrijhaedje[candjî | candjî l' côde wiki]

I est cnoxhou come "l' årt di totes les pårteyes do coir", pask' on s' î sieve di ses mwins, di ses pîs, di ses keutes eyet, avou, di ses djnos. Les bocseus taylandès tapèt eto avou l' schinon del djambe.

Mågré k' les hôts côps d' pî sont foirt rimarcåves tins des matchs, les féns cnoxheus volnut ki les bas côps d' pî, les côps d' keute eyet les côps di djno soeyexhe pus traites po l' ôte afronteu.

Divant on match, les deus lûteus fwaiynut ene sôre di danse come li vout l' uzance. Å cmince, ces mouvmints la avént ene valixhance rilidjeuse, mins asteure, c' est purade po s' eschandi.

Cåzumint tchaeke mouvmint del bocse taylandesse eploye li coir etir. Gn a on tournaedje des hantches a tchaeke côp d' pî eyet a tchaeke côp d' pougn. Adon, les atakes eyet li disfinse dins l' bocse taylandesse sont pus stocaesses ki les cis del bocse oudon-bén do karaté.

Etrinnmint[candjî | candjî l' côde wiki]

L' etrinnmint pol bocse taylandesse est fel.

Spôrts dischindants[candjî | candjî l' côde wiki]

Li bocse taylandesse a yeu d' l' inflouwince sol diswalpaedje do kick-boxing k' a skepyî pus tård å Djapon, pu e l' Urope eyet åzès Stats Unis.

Hårdêyes difoûtrinnes[candjî | candjî l' côde wiki]