Boke sol costé

avou tinkiaedje des musses åtoû d' l' ouy et les cis do front

Li boke sol costé, c' est ene maladeye nierveuse des musses do vizaedje, k' endè va sovint tote seule so sacwants djoûs. Ele si voet li mî al boke k' est tinkeye d' on costé.

Did la li creyance ki c' est on må d' sint.

Mins gn a des cognes ki dmorèt pus lontins, disk' a sacants moes.

Cåzes

On n' kinoxhe nén bén les cåzes del cogne k' endè va tote seule. On dit k' c' est cwand on hape on froed.

Les fômes ki durèt pus lontins polèt esse cåzêye pa on ptit accidint d' ecdût do cervea (AEC, AVC).

Senes del maladeye

C' est les musses eniervés do nier do vizaedje ki sont tinkyîs d' on costé. Ça s' voet l' mî å musses do toû del boke, k' est haetcheye padrî. Did la, li no del maladeye.

Pus ki l' maladeye est awiyante, pus k' on voet eto des tinkiaedjes so les ôtes musses, inte di zels, les musses des mashales, do toû d' l' ouy et do front.

Li cåzaedje est candjî a cåze del målåhjmince a fé aler les lepes comifåt.

• 
  Flåwe cogne del maladeye
• 
  Pus griyeuse fôme
• 
  Avou fondaedje des musses des mashales
• 
  Posteure avou l' boke sol costé