Boshale

Èn årtike di Wikipedia.
Sauter à la navigation Sauter à la recherche
boshale d' avoenne (Årdene, 1978)

Ene boshale (on djheut eto: ene marionete, ene damjhele, on sôdår, on djougåd, ene copale, ene copurnale), c' esteut on dressaedje di deus djåbes di four u d' avoenne, loyeyes al copete.

On djheut parey d' ene grosse bote di fiole, di luzere, dressêye sol tchamp, disk' a esse tote fenêye.[1]

Li boshale est diferinne do dijhea ki s' fijheut djusse po les dinrêyes d' awousse, avou bråmint dpus d' djåbes.

Wiktionary-logo.svg

Po des linwincieusès racsegnes sol mot "boshale", alez s' vey sol Wiccionaire

Etimolodjeye[candjî | candjî l' côde wiki]

Les mots «damjhele», «boshale» eyet «marionete» fwaiynut sondjî a ene djonne comere.

C' est kécfeye l’ idêye d' ene djupe di båshele ki tape å lådje, a môde di triyingue izocele ki prime.

Pocwè fé des boshales ?[candjî | candjî l' côde wiki]

Avou les cawes-di-rat[candjî | candjî l' côde wiki]

Cwand on fåtchive al des fioles (cawes-di-rat), on n’ les ståréve nén. On les levéve, paski l' fiole c' est on hôt fôraedje. Si est ele åjheye a setchi, estant stampêye. Cwand elle esteut souwêye, on l' riståréve so des loyéns , po leyî rsouwer l’ cou. Adonpwis, on l' loyive po-z e fé des djåbes pus maniåves po ragregnî.

Avou l' avoenne[candjî | candjî l' côde wiki]

Si c' esteut d' l' avoenne — elle arivéve sovint el fén del rotåcion —, on seméve, avou, des ptitès sminces (clåve) po regrinner l’ tchamp.

Li four di trefe k’ aveut crexhou dins l’ avoenne fijheut ki l’ cou des djåbes esteut pus massif ki l' copete. Dabôrd, i dveut-z esse metou a l’ air, çou ki n’ s’ åreut polou fé, si on åreut yeu loyî do côp.[2]

Sourdants[candjî | candjî l' côde wiki]

  1. ALW 8 p. 354.
  2. Louis Baijot so Berdelaedjes, eplaidî dins Li Rantoele 58, esté 2011.