Brå (birreye)

Èn årtike di Wikipedia.
Potchî a: naiviaedje, cweri
Discramiaedje des årtike avou "brå" et "Brå"

Li brå, c' est do oidje, del sipeate ou ene ôte dinrêye k' a djårné ene miete, pu esse souwêye, pu rmaxheye a l' aiwe et bresseye po fé del bire.

Fabriker do brå si dit "bråjhî" u "malter"; l' operåcion et li rzultat : li "bråjhaedje" u "maltaedje".

Wiktionary-logo.svg

Po des linwincieusès racsegnes sol mot "brå", alez s' vey sol Wiccionaire

Fabricaedje do brå[candjî]

Po cmincî, i fåt mete trimper l' grin, dins ene couve a trimper (u couve a mouyî).

On rexhe li grin del couve et l' mete sol bråjhî. C' est ene tchambe metowe a costé del bressene, avou on solide pavmint, et des spès meurs, po ki l' timperateure ni candje nén dtrop.

Po cmincî, on etassele li frexh grin, pu l' rimete e-n on fén lét, avou on trouvea, ene sôre di longue palete. Après, on l' rimowe avou on råve u rustea.

Cwand l' bresseu pinse ki l' brå est bon, i l' mete a souwer dins ene teraye.

Molaedje[candjî]

Cwand l' brå est bén setch, el fåt moure dins on molén bråjhrece. Dinltins, c' esteut des moléns avou des pires especiåles. Asteure, c' est ene machine avou deus cilindes ki spotche li brå al bressene minme.

Sourdants[candjî]