Brouhene
(Redjiblé di Brouhiner)
Li brouhene (on dit eto brouhinaedje, mozinaedje, brouzinaedje, siprogneure), c' est ene pitite fene plouve.
Li brouhinaedje, c' est l' toumaedje, tot doûcetmint, di ptitès gotletes di 0,2 a 0,5 mm.
Li nûlêye la k' elle rexhnut si lome on bas stratusse.
Li brohinaedje est pus corant tot do long del mer, u des grandès basses, u des mouzes (did la, li no e walon : "mozinaedje").
El Walonreye, les plaeces la k' i gn a sovint del brouhene si lomèt voltî "les Gotales" u "les Gotletes".