Côp d' pî bas

Èn årtike di Wikipedia.

Li côp d' pî bas, cnoxhou sous l' dénominåcion inglesse: low kick, est ene tecnike di djambe eployêye pa des bocses pîs-pougns k' i gn a (bocse birmåne, kick-boxing eyet muay thai) eyet certains arts martiås ki consisse a poirter on côp d' tibia oudobén on côp d' pî so l' mimbe di dzo di l' adversaire (coxhe del djambe oudobén djambe). A l' assulon dezès réglemintåcions sportives, i pout esse poirté so li dfoû ou l' å dvins del djambe.

E toursiadje di plein-contact (dit å K.O. system), i permete di frådjûlijhî li stabilité d' èn adversaire, ou minme co del handicaper timporairmint.

Po çou k' est des bouxhaedjes sol djambe, i gn a sacwants côps d' pî dierins: circulaire (roundhouse kick), dimey-circulaire (semi-circular kick), balancî (stick kick, crescent kick, axe kick,...), k' on dene tot droet di sôre pistoné (front kick eyet side kick), crotchté (hook kick), retombant (hammer kick), evnd.

E kick-boxing amerikin oudobén djaponès, li sôre di côp d' pî n' pout esse ki circulaire oudobén dimey-circulaire a l' assulon do réglumint.