Claire Colonval
Claire Colonval, c' esteut ene sicrijheuse e walon do payis d' Tchålerwè.
Elle a skepyî li 28 di fevrî 1949.
Elle a morou li 12 di nôvimbe 2022.
Di s' mestî, elle esteut dame di scole.
Ouve pol walon
[candjî | candjî l’ côde wiki]Elle est d' l' ALWAC.
Ses tecses ont parexhou dins l' Bourdon.
Elle a bouté timpesse pol walon e scole, avou l' CHADWE. Inte di ses ovraedjes, fé des stroetès plakes.
Elle end a fwait eto ene ramexhnêye a môde di sillabusse, «Contes pou m' djårdén».
Egzimpe di tecse
[candjî | candjî l’ côde wiki]
- Ene «nounou» d' bos
Å mitan do djårdén, on grand måstampé dissu ses djambes di bos ès fwait berloker på vint. Les firlokes di s' viye frake ermouwnut patocosté po fé peu ås moxhons. I vôreut bén esse camaeråde avou yeusses, mins l' mestî d' on sbara, c' est d' les tchessî.
So s' tiesse di fistous, on a etaessî ene dimeye buze sins fond.
On mwais djoû d' fevrî, ene hoûlêye di noere bijhe shofele ene nouwêye di pierots. Scranse di lûter conte el vint, ene pitite frumele s' aflaxhe e mitan do tchapea, et s' erpoise ene cope d' eures.
El cour di strin bate pus rade…
Hårdêye divintrinne
[candjî | candjî l’ côde wiki]- Pitit tecse da sinne (so les moxhes al låme).
Hårdêye difoûtrinne
[candjî | candjî l’ côde wiki]
Li Wiccionaire si rsieve di sacwantès fråzes da Claire Colonval po-z enimådjî des mots k' i gn a.