Cambron-Castiau

Cambron-Castiau u Cambron-Castiô^[1] (riwalnijhåve Cambron-Tchestea, F. Cambron-Casteau), c' est èn ancyin ptit ban del Walonreye, rebané avou Brudjlete.

Limeros del posse : 7941 (nén candjî)
Limero diyalectolodjike : Mo 3.
Arondixhmint : Ate (dispu 1977; divant, c' esteut arondixhmint d' Mont, did la li limero diyalectolodjike avou "Mo").

Peuplåcion

Discrexhaedje del djin

1801: 730 (483 å Tchestea, 247 a l' Abeye)
1846: 731
1910: 473
1961: 363
1976: 416

Djeyografeye

Li viyaedje est metou so Tinre, a ene plaece k' ele toûne bråmint, did la si no "Cambron", do bodje gayel cambaro (ki toûne).

Istwere

Les troes viyaedjes metous so Tinre: Cambron-Castiô, Cambron-Sint-Vinçant et Cambron-l'-Abeye (Cambron-Mairie), ci n' esteut fok on viyaedje å cmince, ki c' esteut des béns-fonds di l' abeye Sint-Dnis dilé Paris (751), k' elzès rvinda å tchapite di Sougniye e 1053.

Li deujhinme viyaedje, c' esteut l' abeye cistercyinne, askepieye pa sint Biernåd e 1148. I fourit anixhilé på decret imperiå do 8 fructidor di l' an XIII (26 d' awousse 1805).

Li tchestea d' Gaviamé, distrût e 17inme sieke, est dandjreus li cåze do lomaedje "Cambron-tchestea".

Economeye

Grande plinne di bounès teres, des deus costés d' Tinre. Grandès cinses: li Wespelire (60 ectåres), li cinse di l' Abeye (55 ectåres).

Pî-note

Commons

I gn a so les cmons Wikipedia des imådjes ou fitchîs son a vey avou Cambron-Castiau .

↑ C' est on ô long picard ki respond å betchfessî ea (castia), adon on l' riscrît puvite scrijha au come dins Hécard (PiF1); les deus scrijhas sont rprins dins l' sistinme Feller-Carton.

	Rebanêye Comene di Brudjlete
Pitits bans: Ate-dilé-Brudjlete \| Brudjlete \| Cambron-Castiô \| Gådje \| Minvergniye Ôte plaece: Boliniye \| Cambron-l'-Abeye \| El Patå \| Érimé \| Les Trîs

[1] C' est on ô long picard ki respond å betchfessî ea (castia), adon on l' riscrît puvite scrijha au come dins Hécard (PiF1); les deus scrijhas sont rprins dins l' sistinme Feller-Carton.

[1]