Campagne des dijh djoûs

Èn årtike di Wikipedia.
Sauter à la navigation Sauter à la recherche
Pol discramiaedje des årtikes avou l' mot "Campagne & campagne", loukîz cial
Batreye di Ravels, kimandêye på prôpe fi do rwè Wiyåme, Wiyåme II des Bas Payis

Li Campagne des dijh djoûs (do 2 å 12 d' awousse 1831), ci fourit ene campagne militaire do rwè Wiyåme d' Orandje po rprinde li Beldjike après l' dislaxhaedje do payis al shûte del Revintreye bedje.

Pondants[candjî | candjî l' côde wiki]

C' est l' lomaedje di Yopôl 1î li 4 di djun 1831 come rwè på govienmint provizwere ki va fé monter Wiyåme a smince, et l' decider di revayi l' Beldjike.

L' årmêye del Beldjike n' est fwaite ki d' ancyins volontaires, nén etrinnés. Les sôdårds di mestîs estént co ezès Indes neyerlandesses el fén di 1830. Et c' esteut bråmint des piyotes, sins waire di mwaisses sôdårds.

Disrôlmint[candjî | candjî l' côde wiki]

Atake holandesse[candjî | candjî l' côde wiki]

  • 2 d' awousse : evayixhaedje di Turnoute; l' årmêye bedje tént 24 eures et s' riploye.
  • 3 d' awousse : prinjhe di Ravels kimandêye coirzenoxh på prôpe fi do rwè Wiyåme, liprince Wiyåme II des Bas Payis (loukîz l' pondeure).
  • 4 d' awousse : prinjhe do fôrt d' Anverse pa les Holandès.
  • 4 d' awousse : victweres holandesses a Hasse ey a Boutersem.
  • 5 d' awousse : victwere holandesse a Lovén

Adon, i dmeure des tropes a Lidje, avou des volontaires limbordjwès (do Limbork bedje et do Limbork holandès d' asteure). Les revinteus tinèt co Brussele. C' est adon ki li rwè et l' govienmint (sotnous pal France et l' Inglutere), sins ratinde l' åjhmince do Pårlumint, dimandèt li scours di l' årmêye francesse.

Di s' costé, les Holandès sont sotnous des Rûsses et des Prûsyins. Mins ces årmêyes la sont trop lon ou dedja el guere, po vni aspaler l' Orandje.

Contratake francesse[candjî | candjî l' côde wiki]

Li 6 d' awousse, gn a ene årmeye francesse ki passe li frontire. Les Holandès sont å Levant d' Brussele, et ont sogne d' atacaedje a môde di guerioûle.

Wiyåme a peu d' esse siplincté après Brussele inte les Francès vinant d' Nonne et les volontaires, pårtis d' Lidje, vinant d' Bijhe. Tot d' on côp, i rescoule di totes ses pôzucions, apus ki l' fôrt d' Anverse.

On resse-feu est siné l' 12 d' awousse, mins l' fén di l' estat d' guere nel serè k' avou l' Påye ås 24 hagnons e 1839. Loukîz a : «Sidje do fôrt d' Anverse (1832)».