Canadas å rosse

Èn årtike di Wikipedia.
Sauter à la navigation Sauter à la recherche

Les canadas å rosse (on dit eto: canadas å fond), c' est ene ricete walone, avou des crompires cûtes avou des agnons et do lård, et k' ont ene bele rosse coleur, k' on pout refoircî tot vudant dso del tchicorêye u do cafè.

Ricetes des canadas å rosse[candjî | candjî l' côde wiki]

Fé fonde d lård; mete ene nukete di saeyén et deus gros agnons, les leyî cure ene dimeye eure avou do pilé, do pierzin, ene troejhinne di schipes d' a et ene foye di lårî.

Après li dmeye eure, mete ene djate di cåfé dvins. Adonpwis, rascovri les cartoxhes (canadas) avou d' l' aiwe.

Variaedjes del ricete : li cafè pout esse replaecî pa del tchicorêye, et on l' pout mete tot al fén.

Egzimpe avou les mzeures[candjî | candjî l' côde wiki]

Po cmincî, aprestez tot çk' i fåt po fé li rcete :

  • 2 kg d' canadas ki n' si disfijhèt nén
  • 4 kertons d' lård melè
  • 50 gr di saeyén
  • 3 agnons
  • 5 decilites di concintré d’ tchicorêye

Adonpwis, atakez a fé tchåfer l' saeyén dins ene payele; pu metoz î rossi l' lård côpé a bokets.

Cwand les kertons sont bén rossis, ersaetchîz lzès. Metoz el plaece les agnons a rossi bén bruns. Adon, rimetoz eshonne les canadas, li lård eyet les agnons, vudîz ådzeu di totafwait li concintré d’ tchicorêye, metoz do sé, do poeve , do pilé eyet ene miete di mémoscåde.

Leyîz cure li tot disk' a tant k' les canadas fouxhénxhe cûts dins leu såce.

Les canadas divnut esse bén bruns.

Sourdant [1].

Sourdant[candjî | candjî l' côde wiki]

  1. Cécile Van Oorbeeck, Li Rantoele l° 42, esté 2007