Linet

måye

ses oûs

Pol discramiaedje des årtikes avou l' mot « Linet », loukîz cial.

On linet (on dit eto: ene linete, on linroû, on friyon, on gris), c' est on nozé moxhon xhufleu, del famile des tcheutches (frindjilidîs).

Sincieus no d' l' indje : Carduelis cannabina (davance Acanthis cannabina).

Motlî

Li linet est eto lomé rodje linet (li måle), gris linet (li frumele), blanc linet (sôre avou dipus d' blanc so les penas), franc linet (moxhons såvadjes, eneviè les cis ki djonnlèt dins des gayoles.

E walon, i poite sacwants nos

• linet (Disfondowe: lënet).
• linete (Disfondowes: lignète).
• linot
• linote ([Disfondowe: lënote).
• linea (Disfondowes: linê, ligna, lëgna,
• linrea (Disfondowes: lègn'ré, lèn'rya, lergna).
• linroû (prononcî lin'rou; Disfondowes: lignroû, lignrou, linrou, lén'rou, lènroû).
• friyon (Disfondowes: fiyon, fouyon, fion')
• gris, pitit gris.

Discrijhaedje

Il est gris; li måle est rodje sol gavêye, et a ene rodje calote.

Vicaedje

Dimorances

I dmeure el Walonreye, dins les bwès di l' esté, mins i rvént voltî dins les håyes di l' ivier.

Nourixhmint

I magne des grinnes di såvadjès plantes, dins les crompires.

Si no e walon provént do lén, pask' i magne voltî les grinnes di lin.

Si ptit no e latén (cannabina), c' est pask' i inme bén les grinnes di tchene, avou.

Mopliyaedje

Onk des prumîs a s' acopler å bontins.

Aclevaedje

Cwand on l' mete dins ene gayole, i dvént rade tot mannet.

Hårdêyes difoûtrinnes

• (es) Ene waibe en espagnol, avou des portraits do moxhon
• Portrait do måle et d' ene nitêye
• (nl) Sacwantès racsegnes e rfondou flamind