Cawete -êye

Pol discramiaedje des årtikes avou l' mot « Cawete -êye », loukîz cial.

Li cawete -êye, c' est aprume li cawete des pårticipes erîreces femrins des viebes å coplemint et des viebes å prono del prumire troke.

Adonpwis, ele sieve a fé des sustantifs, aprume les cis d' contnance (çou k' gn a dins ene sacwè).

Egzimpes

ene berwetêye, c' est çou k' gn a dins ene berwete. ene waitroûlêye, c' est çou k' gn a sol waitroûle d' ene éndjole.

Bastixhaedjes des mots parints avou l' cawete -êye

• Li pus simpe: mot-bodje + -êye: bresse => bressêye, berwete => berwetêye, tchôdron => tchôdronêye.

Come di djusse, li halcrosse E do mot-bodje va tchaire.

• Candjmint d' bodje (li vraiy bodje n' est nén l' mot simpe). tchår => tcherêye.
• Rispitaedje d' ene lete etimolodjike: resse => respulêye; schoupe => schouplêye.
• Ristitcheye lete.
  • Ristitchî N: plat => platnêye; schô => schonêye; for => fornêye.
  • Ristitchî L: banse => banslêye.
  • Ristitchî T: tchena => tchentêye.
  • Ristitchî R: panî => panrêye.
• Pus grands rarindjaedjes:
  • cawete -urnêye: plat => platurnêye; tchapea => tchapurnêye.
  • cawete -erlêye: mande => manderlêye.
  • dobe cawete -ete + -êye: tcherete => tchertêye.

Hårdêye difoûtrinne

Mots avou l' cawete -êye (dedja studyîs sol Wiccionaire)