Cawete -aedje 2
Li cawete -aedje 2, c’ est ene cawete -aedje acawêye a on no, estô des ôtes cawetes -aedje, pår les pus corantes, ki sont-st acawêyes a on viebe, po fé l’ no d’ fijhaedje.
Li sinse est «sacwè fwait avou l’ bodje»:
- coraedje : çou k’ on fwait cwand on a do cour (li viebe « corer » n’ egzistêye nén ; mins gn a èn omonime, «coraedje 2», ki vént do viebe « cori »
- frutaedje : totes sôres di fruts (li viebe « fruter » n’ egzistêye nén).
- lingaedje : tot ç’ on fwait avou s’ linwe (li viebe « linguer » n’ egzistêye nén).
- linnaedje : mousmint fwait avou del linne (li viebe « linner » n’ egzistêye nén).
- påscaedje : bistoke po Påke (li viebe « påker » n’ egzistêye nén).
- parketaedje : dessén so on parket.
- royaedje : passaedje d' ene rowe (ki fwait ene roye).
Les nos tcherpetés avou l' cawete -aedje 2 polèt esse riwaitîs come des colectifs do bodje. C' est bén clair dins :
- coxhlaedje : totes les coxhes d' èn åbe.
- djivrondaedje : tote li djivronde.
- pårtaedje : totes les pårts.
- ploumaedje : totes les ploumes.
- poyaedje : tos les poys.
- rivaedje : totes les erives.
- tacaedje : totes les takes.
- vijhnaedje : tos les vijhéns.
- waidaedje : totes les waides.
- wimbiaedje : totes les wimbires.
Hårdêye difoûtrinne
[candjî | candjî l’ côde wiki]Sustantifs avou l' cawete -aedje acawêye a on no (dedja studyîs sol Wiccionaire)