Cawete -ale
Les cawetes -ale et -ele, c' est les femrinnès fômes del cawete -ea.
Ele vént del cawete latene -ella.
Dins des sustantifs et kékes addjectifs
[candjî | candjî l’ côde wiki]Li fôme -ale est pår walone, mins on-z a rfondou a môde d' ene dobe rifondowe, po tni conte des mots la kel disfondowe "-ale" est foirt sitroete, metans :
- novele (novale seulmint après Bastogne)
- båshele (båçale so Bastogne et Sint-Houbert)
- bele (bale fok so Fumwè)
Dins les nos d' plaece
[candjî | candjî l’ côde wiki]Dins les nos d' plaeces, on-z a rfondou come on dit la-minme, cwand li cmon no n' egzitêye nén :
Mins on-z a wårdé -ale po des mots foirt clairs, k' egzistèt avou l' fôme -ale eyet l' fôme -ele.
Dins les accints do walon
[candjî | candjî l’ côde wiki]Li cogne «-ale» est purade sol walon do Levant et betche ene miete l' walon do mitan (purnale) et l' Basse Årdene (novale a Bastogne, bauçale a Sint-Houbert, massale a Forire); li cogne «-ele» si voet puvite sol walon do Coûtchant eyet l' Årdene nonnrece (purnèle, machèle). Dins ces payis la, si les mots î arivnut avou l' cawete -ale, ele pout esse avou on long A (macrâle).
Calcaedje e francès d' Walonreye
[candjî | candjî l’ côde wiki]Sacwants mots avou l' cawete "-ale" ont passé e francès del Walonreye come «potale» et «macrale».
Portant, dins les nos d' plaece, li riscrijhaedje e francès ni ricnoxhe nén li nateure femrinne del cawete: Durnal (po Durnale).
Hårdêye difoûtrinne
[candjî | candjî l’ côde wiki]Sacwants sustantifs avou l' cawete -ale (dedja studyîs sol Wiccionaire)