Cawete -inne 1
Li cawete -inne, prumire do no, dene on sustantif femrin ki djåze sovint d' ene termene (long moumint).
Ele provént del cawete latene -ana.
Gn a ene ôte sôre di cawete -inne, sins rapoirt avou cisse-ciale.
Mots walons avou l' cawete -inne
[candjî | candjî l’ côde wiki]Sacwants mots vinèt direk do latén :
- samwinne : latén septimana
Des ôtes ont stî foirdjîs e walon, po mostrer ene såjhon d' ovraedje :
- råyinne : såjhon k' on råye ås canadas.
- pelinne : såjhon k' on pele ås tcheneas.
Dins ç' sinse la, elle est sinonime del cawete -åjhe.
Mins li pus biesse egzimpe, c' est ene termene di x djoûs : cwénzinne, ûtinne di djoûs.
Did la, ene troke d' on metou nombe di sacwès, di djins : ene troejhinne, ene cwatrinne; pu a pô près ci nombe la : ene cénkinne, ene dijhinne, ene vintinne, ene cintinne.
Dins sacwants cas, ele mostere ene longue sitroete plaece :
- rivlinne : long boird d' on mousmint.
Dins des ôtes mots, li rapoirt avou l' bodje est pus lådje :
- tchampinne : oujhea ki s' rabate sovint a bindes dins les tchamps. (cial, on ratindreut voltî ene cawete -rece.
- rôlinne : manire di taper ene måye (a on djeu d' måyes)
Li cawete -inne dins les noûmots
[candjî | candjî l’ côde wiki]Li cawete -inne a stî reployeye pacô dins des noûmots po mostrer li plaece di l' accion:
- riçuvinne : plaece la k' on rçût les djins.
Mins c' est purade ene termene di tins :
- médyinne : termene k' on s' médeye
- tuzinne : termene k' on s' rissaetche dins ene coete plaece po tuzer
- al shuvinne : termene ki l' tchén shût s' mwaisse pas a pate.
Alére
[candjî | candjî l’ côde wiki]Hårdêye difoûtrinne
- Sacwants sustantifs avou l' cawete -inne (dedja studyîs sol Wiccionaire)