Châlèrwè, ça conte

Tchålerwè, ça conte (operå)

L' afitche do spectåke.

Châlèrwè, ça conte (Tchålerwè, ça conte), c' est l' tite d' ene comedeye muzicåle (u èn operå) k' a stî prezintêye a Tchålerwè li 20 d' octôbe 2024.

Li trope di comedyins si lome « Èl Bwèsse à Tèyâte ».

L' essinneu fourit Victor Gravy.

Tinme

Li rwè Ivan prumî tot disbåtchî (å mitan), on raviké do colora (a hintche) et l' blanke dame do Moncea.

Li pazea po shuve, c' est li rwè Ivan prumî, el rwè des contes et floricontes, k' a pierdou ses «atributs». I s' adjit d' on sepe ki rprezinte l' imådjete del «cofrereye do doet d' Alzon».

I s' va mete so les voyes po sayî d' el ritrover, avou s' tchamberlin, el «Grand Måbelair».

Sol voye, i va rescontrer totes sôres di persounaedjes ki vegnnut foû des contes et floricontes do Payis d' Tchålerwè. Ces contes la avént stî rashonnés pa Michel Carly et Émile Lempereur, dins on live e francès (avou bråmint do walon dvins), eplaidî å Noer Dessén e 2005.

• 
  live sourdant des spoûles
• 
  pitite gazete di prezintaedje del pîce
• 
  Victor Gravy, li mwaisse del djowe (a hintche)
• 
  Gwenatele Caplin, a l' intrake]]

Disrôlmint do spectåke

Adrovaedje

Adrovaedje avou des tchansons e l' cafetaria.

Li spectåke ataca dins l' cafetaria do teyåye, la k' sacwants acteurs et actoresses vinî tchanter des viyès tchansons do Payis d' Tchålerwè.

Sacwants sinnes

• 
  Lijheu d' messaedje (disdjocaedje do rwè k' a pierdou s' sepe).
• 
  Ene macrale di Solaimont (djouwé pa Gwenaëlle Cappellin).
• 
  Broûlaedje do noer coirbå.