Christian Mayeur

Èn årtike di Wikipedia.
Aller à la navigation Aller à la recherche

Christian Mayeur, c' esteut on scrijheu e walon di Sint-Vå.

Onk di ses arimés[candjî | candjî l’ côde wiki]

N' a ene broûlene ki montéve, espotcheye et pestelêye
El tchebonî shofléve, e poûssant ès berwete
E ramassant a tere, des pititès gayetes
K' i cachive tocosté etur les vîs cayôs

Ès vizaedje esteut deur e maniant si eschoupe;
Il aveut padrî lu ene djournêye lon do djoû;
Dins l' escrepêye loumire ki doirmeut sol candjoe
I pinséve a s' comere cwand (el)le esteut so ses djnos.

Cwand s' berwete esteut plinne d' on tcherbon tot lujhant,
A grandès asdjamblêyes, i raléve a s' måjhon
E xhuflant (e)ne pitite air d' ene ou l' ôte viye tchanson
Tot contin d' s' eraler abressî ses efants.

El soper esteut la, bén poizé dissu l' mape:
On potaedje di porets avou ene såce å lård.
El tcherbon aloumé fjheut tchanter el cocmwår;
Mins k' i fijheut bén tchôd dilé el viye armwere!

Il esteut tot binåjhe d' aveur fwait ès djournêye;
D' aveur diné beacôp a ès pitite famile.
E tcheyant edoirmou, i tcheyeut e-n abime,
E rvinant sins rén dire, tot binåjhe d' awè tchôd.[1]

Sourdants[candjî | candjî l’ côde wiki]

  1. Riscrît e rfondou sorlon ene modêye parexhowe dins l' "Moxhon d' Ônea 104 (2), fevrî 2016.