Cigarete Belga

Èn årtike di Wikipedia.
Sauter à la navigation Sauter à la recherche
Cigaretes belga paket.jpg

Les cigaretes Belga, c' est ene måke di fabrike di cigaretes, k' a stî enondêye e 1923, pal societé British American Tobacco (BAT) pol martchî bedje. Li måke a djoké podbon e 2004, cwand BAT a displaecî li fabricåcion di s' sorsoce, li cigaretî Vanderhelst, e l' Olande.

On belga, c' est eto ene viye pîce di manoye bedje.

Miss Belga, l' essegne del måke.[candjî | candjî l' côde wiki]

Afitche dessinêye pa Magritte

Les cigaretes Belga ont todi stî assoçnêyes, so les pakets et les afitches di rclame, a l' imådje d' ene feme k' on-z a lomé Miss Belga. Onk des prumîs a l' aveur dessiné fourit René Magritte. Il aveut prin modele so s' feme Georgette. Li portrait da Magritte est l' imådje d' ene feme dislaxheye des anêyes 1930, avou des courts tchiveas et on fén riya avou s' boke clôse. Ene miete grandiveuse, direu dju bén.

Cigaretes belga afitche2.jpg

Pus tård, Miss Belga va radjonni, et haper on franc riyoe, ki mostere ses beas blancs dints. Des côps, Miss Belga shonne on pô zozote, avou s' tchapea sol costé. Afeye, ele si prezinte come ene djonne feye foirt serieuse.

Bråmint des afitches et des etiketes (pakets d' cigaretes, d' aloumetes, evnd) riprindèt les troes coleurs do drapea bedje: noer, djaene et rodje. C' esteut eto les coleurs des pakets.

Cigaretes belga 3coleurs1.jpg Cigaretes belga 3coleurs2.jpg Cigaretes belga 3coleurs3.jpg