Cintråle nawearinne

Èn årtike di Wikipedia.

Ene cintråle nawearinne, u cintråle atomike, c' est ene oujhene ki s' sieve di l' enerdjeye nawearinne po produre do corant electrike.

Tournaedje d' ene centråle nawearinne[candjî | candjî l’ côde wiki]

Li cour d' ene cintråle nawearinne, c' est l' reyacteur atomike.

Pol rafroedi, on a dandjî d' aiwe, å pus sovint poujheye dins on fleuve ki passe djusse djondant, k' c' est Mouze po Tchô et Tîhondje.

Li rafroedixhaedje do reyacteur va reschandi l' aiwe do mouze. On n' va pupont vey di bokets d' glaece a Lidje dispu k' i gn a Tîhondje.

Dins l' tchôde aiwe do rafroedixhmint, on pout aclever des pexhons des tropikes (tipapias, pexhon-tchet).

Li djondaedje di l' aiwe avou l' tchôd reyacteur va produre del wapeur ki va monter foû del tchiminêye del cintråle, et esse veyowe pus d' 50 kilometes lon.

Cintråles nawearinne di Beldjike et dins les contrêyes astok[candjî | candjî l’ côde wiki]

El Beldjike, end a a Doul el Flande, ey a Tîhondje el Walonreye.

A l' limotche del Walonreye, gn a eto l' cene di Tchô, el Bote di Djivet.

L' enerdjeye des cintråles nawearinnes sieve bråmint a fé do corant electrike. E 2005, li Beldjike a parvinou a produre 57 åcint di si corant pa les cintråles nawearinnes.

Fén de cintråles nawearinnes[candjî | candjî l’ côde wiki]

Li risse d' accidint nawearin come les cis di Tchernobil et d' Foucoutchima a moenné les payis a sayî di s' passer des cintråles atomikes.

L' Almagne a decidé di les clôre pitchote a midjote a pårti des anêyes 2010.