Coccidiôze ås poyes

Èn årtike di Wikipedia.
Boigne boyea, mitan drovou

Les coccidiôzes ås poyes, c' est des coccidiôzes k' acsujhèt les boyeas des poyes.

C' est zeles li cåze d' ene eschite, afeye rodje, pask' i gn a do sonk dins les polenes.

Les rascråwants adjints, c' est des coccideyes, del nindje des Eimeria, ki s' vont edjîstrer dins les celules des finès peas des boyeas, copurade :

  • li fén boyea :
    • tot å dvant (duwodenom) : Eimeria acervulina, E. Mivati, E. praecox)
    • å mitan ey al fén (djedjunom) : E. maxima, E. mitis, E. necatrix.
  • li boigne boyea : purade li sôre ki s' lome E. tenella.

Li må n' est nén todi veyåve, mins adon, il espaitche les polets d' crexhe, u les poyes pounresses et covresses di ponre a l' idêye.

Li morance n' est nén foite dins ene poytreye, mins s' deure-t ele lontins. Les crevêyès poyes ont des ptitès rodjès taetches sipårdowes totavå do fén boyea. Po Eimeria tenella, on trouve cobén on gros alot d' sonk ki rimplixh les deus boignes boyeas.

Les oûkisses des coccideyes polèt esse veyous sins rujhes å microscope.

Li médiaedje si fwait avou des droukes esprès, inte did zeles :

  • l' amproliom
  • li diyaveridene
  • li pirimetamene
  • sacwants sulfamides : sulfadimerazene, sulfakinocsaleyene
  • li toltrazuril, li dierin trovou, foirt djinti.

Gn a eto, dispu ene tchoke, des medicamints siconte des coccidiôzes stitchîs dins les alimints po les poyes, come :

  • li moninzin
  • li salicilamide
  • li nitrofurazone

Mins, asteure k' on saye di rsaetchî les radjoutêyès droukes, sacwants siconte-coccideyes, metans li nitrofurazone, ont stî disfindous dins les alimints dins bråmint des payis.

Dispu les anêyes 1990, on-z a diswalpé èn eploctaedje disconte des coccidiôzes, k' est eployî asteure pa cåzu tos les poytîs di poyes pounresses et covresses.

Commons
Commons
I gn a so les cmons Wikipedia des imådjes ou fitchîs son a vey avou les coccidiôzes ås poyes .