Codjowaedje prinde

Les viebes del sôre di prinde, c' est des viebes del 5inme sôre, ki fjhèt ene dizo-sôre avou rén k' lu et ses derivés.

Il a-st on dobe codjowaedje e rfondou, li prumî est pår erîlé (A=B=C=prind), ki s' codjowe come "ratinde", avou come pårticipe erirece pris/prijhe.

Li deujhinme codjowaedje est pårticulî, li båze est fwaite so les bodjes A=purd et B=C=pud, mins po les cognes d' ene seule sillabe on rtchait sol minme bodje ki pol prumî codjowaedje (prind). Li pårticipe erirece est l' minme ki dins l' prumî codjowaedje:

prumî codjowaedje

prezintrece: dji prind, ti prinds, i prind, nos prindans, vos prindoz, i prindèt / prindnut
erirece: dji prinda, ti prindas, i prinda, nos prindîs, vos prindîz, i prindît
erirece durant: dji prindeu, ti prindeus, i prindeut, nos prindéns, vos prindîz, i prindént
futurrece: dji prindrè, ti prindrès, i prindrè, nos prindrans, vos prindroz, i prindront
condicioneu: dji prindreu, ti prindreus, i prindreut, nos prindréns, vos prindrîz, i prindrént
sudjonctif prezintrece: ki dj' prinde, ki t' prindes, k' i prinde, ki nos prindanxhe, ki vs prindoxhe, k' i prindexhe / prindnuxhe
sudjonctif durant: ki dj' prindaxhe, ki t' prindaxhes, k' i prindaxhe, ki nos prindénxhe, ki vs prindîxhe, k' i prindénxhe
comandeu: prind, prindans, prindoz
pårticipe erirece: pris, prijhe,
pårticipe prezintrece: prindant

deujhinme codjowaedje

prezintrece: dji prind, ti prinds, i prind, nos purdans, vos purdoz, i purdè / pudnut
erirece: dji purda, ti purdas, i purda, nos purdîs, vos purdîz, i purdît
erirece durant: dji purdeu, ti purdeus, i purdeut, nos purdéns, vos purdîz, i purdént
futurrece: dji pudrè, ti pudrès, i pudrè, nos pudrans, vos pudroz, i pudront
condicioneu: dji pudreu, ti pudreus, i pudreut, nos pudréns, vos pudrîz, i pudrént
sudjonctif prezintrece: ki dj' prinde, ki t' prindes, k' i prinde, ki nos purdanxhe, ki vs purdoxhe, k' i purdexhe / pudnuxhe
sudjonctif durant: ki dj' purdaxhe, ki t' purdaxhes, k' i purdaxhe, ki nos purdénxhe, ki vs purdîxhe, k' i purdénxhe
comandeu: prind, purdans, purdoz
pårticipe erirece: pris, prijhe
pårticipe prezintrece: purdant

Sacwants sfwaits viebes

Po esrprinde, resrprinde i gn a des traces do 2inme codjowaedje, mins i n' est eployî ki la wice k' on eploye seulmint l' prumî; di pus li pårticipe est esprindou.

Codjowaedjes coinreces

basti sol prumî codjowaedje:
- l° 114 dins les codjowaedjes da Stasse (modele = "rinde")
  mins avou des diferinces pol cogne C fwaite avou ene cawete -se (ki dj' prinse; ki c' est surmint on ridaedje h -> s d' ene cogne "ki dj' prénxhe")
basti sol deujhinme codjowaedje
- l° 58 dins l' live des codjowaedjes da Gilliard (modele = "prinde").
- l° 16 dins l' live des codjowaedjes des Chnapans (modele = "prinde")
  avou come foû-rîle ki l' bodje wåde on "r" pa dvant -nut/nuxhe (i pèrd'neut, i pèrd'neuche)